D’Hoogen-Stoogen Tulp

(lc) – Krëschtdag ass d’Zäit vun de Kadoen. An am léiwste verschenkt ee Saachen, déi schéi sinn, awer och en Notzen hunn. A wann Dir dëst Joer am Fall sidd, datt Der musst engem Kand oder Jugendlechen e flotten an nëtzleche Kado maachen, ass „D’Hoogen-Stoogen Tulp“, erausginn vun den Editions Binsfeld, d‘ideal Saach. Illustréiert vum Carlo Schmitz, deem seng Zeechnungen zumindest de forum-LieserInnen e feste Begrëff wäerte sinn, an erzielt vum Robert Schofield, ass „D’Hoogen-Stoogen Tulp“ e modernt Mäerchen mat engem duerchaus instruktiven Hannergrond: Den Tulpenhandel an Holland, an déi éischt Wirtschaftskriis vun der Welt, d‘sougenannt Tulpekriis, déi an der éischter Halschent vum 17. Joerhonnert stattfonnt huet. Am Buch léiere mer den Tulpebauer Jan Hoogen-Stoogen a säi Meedche Sarah kennen. De Papp, e batteraarmen, awer duerchaus ambitionéierten Tulpenziichter, probéiert mat alle Mëttelen, eng schwaarz Tulp ze ziichten, déi ee ganz déier kinnt verkafen. Wat him dann och duerch en Zoufall geléngt. Kuerz drop interesséieren sech all déi déck Banker aus Amsterdam fir dem Hoogen-Stoogen seng Tulpen, a si iwwerbidden sech géijesäiteg, fir sech déi schwaarz ënnert den Nol ze rappen … Wat de Charme vum „D’Hoogen-Stoogen Tulp“ ausmëcht, sinn nët nëmmen dem Carlo Schmitz seng Illustratiounen, déi a sengem eegenen, onverwiesselbare Stil dohier kommen an duerch d’Koloratioun nach u Schéinheet gewannen. Wichteg ass och dem Robert Schofield seng – vun der Valérie Schreiner aus dem Engleschen iwwersate – Geschicht, e Mäerchen, awer och eng wichteg Lektioun iwwert de Fonktionnement vun der Wirtschaft an doriwwer, wéi zevill Gier souguer den zolittste Marché zerstéiert. An deem Sënn ass „D’Hoogen-Stoogen Tulp“ sëcher och eng Seechen vum 21. Jorhonnert.


Cet article vous a plu ?
Nous offrons gratuitement nos articles avec leur regard résolument écologique, féministe et progressif sur le monde. Sans pub ni offre premium ou paywall. Nous avons en effet la conviction que l’accès à l’information doit rester libre. Afin de pouvoir garantir qu’à l’avenir nos articles seront accessibles à quiconque s’y intéresse, nous avons besoin de votre soutien – à travers un abonnement ou un don : woxx.lu/support.

Hat Ihnen dieser Artikel gefallen?
Wir stellen unsere Artikel mit unserem einzigartigen, ökologischen, feministischen, gesellschaftskritischen und linkem Blick auf die Welt allen kostenlos zur Verfügung – ohne Werbung, ohne „Plus“-, „Premium“-Angebot oder eine Paywall. Denn wir sind der Meinung, dass der Zugang zu Informationen frei sein sollte. Um das auch in Zukunft gewährleisten zu können, benötigen wir Ihre Unterstützung; mit einem Abonnement oder einer Spende: woxx.lu/support.
Tagged .Speichere in deinen Favoriten diesen permalink.

Kommentare sind geschlossen.