All Woch bitt d’woxx Iech an hirem Podcast en Abléck an hir journalistesch Aarbecht.

Et gëtt een neie Pilotprojet an der Psychiatrie zu Lëtzebuerg. De Konzept kënnt aus Holland, nennt sech „Fact“ a geet bei seng Patient*innen – egal, wou dat grad ass. Domadder sollen déi 20 Prozent vu psychesch kranke Mënsche gehollef kréien, déi an normale Strukturen net eens ginn, oder guer net emol an dëse System kommen, zum Beispill well si sech schummen. Och de Phänomen, datt beispillsweis Leit, déi op der Strooss liewen, ee stännegen Eran-an-Eraus a Psychiatrien erliewen, soll domadder opgebrach ginn. Am Podcast erkläert d’Melanie Czarnik dem Joël Adami, wat et mat dem Projet op sech huet, wisou en am Moment op de Norde vum Land konzentréiert ass a wisou d’Hoffnunge ganz grouss sinn.

Den Artikel, iwwert dee mir geschwat hunn: Psychiatrische Versorgung: Flexible, aufsuchende Unterstützung

De Podcast abonnéieren: mat Apple Podcasts (iTunes) / op Spotify / mat Android / per RSS.