All Woch bitt d’woxx Iech an hirem Podcast een Abléck an hir journalistesch Aarbecht a beliicht d’Hannergrënn vun engem Artikel.
Dës Woch stinn zwee kontrovers Themen um Menü vum Podcast vun der woxx: Engersäits d’Diskussioun ronderëm d’Loftqualitéit an d’Grenzwäerter, déi besonnesch an Däitschland lassgetrëppelt ginn ass. An anerersäits ass d’Impfung géint HPV – déi duerch ee komesche Communiqué sollt promovéiert ginn – Thema.
Den däitsche Longendokter Dieter Köhler huet an Däitschland eng Diskussioun iwwert d’Sënnhaftegkeet iwwert Grenzwäerter vun de Loftschuedstoffer lassgetrëppelt. D’Isabel Spigarelli diskutéiert mam Joël Adami doriwwer, op Longendoktere wierklech déi Expert*inne sinn, déi ee fir dës Diskussioun brauch, wisou dat alles u Klimawandel-Leugner*innen denke léisst a wéi dës Diskussioun dann an der lëtzebuergescher Politik opgeholl ginn ass.
Bei eisem zweeten Thema, der HPV-Impfung, huet alles mat engem harmlose Pressecommuniqué ugefaangen. Deen eben net esou harmlos war. De Joël Adami schwätzt mat der Isabel Spigarelli doriwwer, wéi si sech op Spuresich gemaach huet a wéi si schlussendlech erausfonnt huet, wien hannert dem anonymme Communiqué steet.
D‘mp3 eroflueden
De Podcast abonnéieren: mat Android / per RSS.