All Woch bitt d’woxx Iech an hirem Podcast en Abléck an hir journalistesch Aarbecht a beliicht d’Hannergrënn vun engem Artikel.
Scho säit 2013 ass Filiatiounsgesetz op dem Instanzewee. Nodeems d’Justizkommissioun 2017 Ännerunge virgeschloen hat, huet de Staatsrot lescht Woch e weideren Avis zum Text verëffentlecht. Begleet war en vun engem weideren Avis, nämlech deen zum „Accès aux orgines“ – e Gesetz, iwwert dat an de leschte Méint virun allem geschwat gouf, well d’ADR déi inklusiv Formulatiounen als „d’Ofschafe vum Papp an der Mamm“ begräift. De Staatsrot stéiert sech zwar net um „autre parent de naissance“, dofir awer u villen aneren Aspekter vun de Gesetzesprojeten. D’Tessie Jakobs huet dës Woch iwwer d’Avis’e geschriwwen a stung dem Isabel Spigarelli am Podcast Ried an Äntwert.
Ausserdeem hunn déi zwee iwwer den Palme d’or-Gewënner vun dësem Joer geschwat: Titane vun der Julia Ducournau. Huet den Horrorfilm d’Auszeechnung verdéngt? A kann de Film mat der Ducournau hierem éischte Long-métrage Grave mathalen?