All Woch bidd d’woxx Iech an hirem Podcast een Abléck an hir journalistesch Aarbecht a beliicht d’Hannergrënn vun engem Artikel.

Thema vun der Woch ass d‘geschlechtsspezifesch Gewalt. D‘Orange Week, déi jo iwwert Gewalt géint Fraen opkläre wëll, huet bei munche fir Opreegung gesuergt, well si der Meenung sinn, datt Männer méi vu Gewalt betraff si wéi Fraen. Iwwert den Discours, deen tëscht Fakten, Éierlechkeet a festgefuerenen Denkmusteren osziliéiert, schwätzen de Joël Adami an d‘Isabel Spigarelli, déi sech an der woxx vun dësem Freiden domadder beschäftegt huet. Wéi ass d’Iddi fir dësen Artikel komm a wéi ass d’Isabel bei der Recherche virgaangen? Hunn d’Kritiker*inne vun der Orange Week Onrecht, a wat fir ee Männerbild misste mir hunn, fir der geschlechtsspezifescher Gewalt besser begéinen ze kënnen?

Déi néi Regierung an hire Plang vun der Cannabislegaliséierung, de „Queer Little Lies“-Festival, op e néits de Spacemining, elektresch Autoen an den Tourismusprojet zu Wäisswampech sinn déi aner Themen, déi dës Woch an eisem Podcast traitéiert ginn.