All Woch bitt d’woxx Iech an hirem Podcast en Abléck an hir journalistesch Aarbecht a beliicht d’Hannergrënn vun engem oder zwee Artikelen.
Dës Woch geet et am Podcast vun der woxx iwwert d’Situatioun vu Geflüchteten zu Lëtzebuerg.
E Méinden huet den Ausseminister Jean Asselborn de Bilan a puncto Asyl, Immigratioun an Accueil virgestallt. Mam Fréderic Braun geet Rieds doriwwer, wéisou et him wichteg erschéngt huet, verschidden Aspekter dovun a sengem Artikel opzegräifen. Dat wier zum Beispill de Fait, datt leschte Mount 284 Geflüchteter zu Lëtzebuerg ukomm sinn an déi domat verbonnen Angscht, datt 2019 e Rekordjoer vun der Migratioun zu Lëtzebuer kéint ginn. E weideren Aspekt, deen de Frédéric Braun thematiséiert, ass, datt vulnérabel Populatiounen, déi zum Beispill aus Eritrea kommen, net geschützt, mee dacks expulséiert ginn. Dem Jean Asselborn no géif et wéinst der Dublin-Veruerdnung zu dësen Expulsioune kommen. Lëtzebuerg selwer géif dofir keng Responsabilitéit droen.
D’Isabel Spigarelli ass a sengem Artikel op d’Situatioun vu geflüchtete Fraen zu Lëtzebuerg agaangen. Si erzielt vun hiren Andréck vum Projet Le Temps des Femmes“ a wéi probéiert gëtt mat dëser Struktur op déi spezifesch Besoinen vu geflüchtete Fraen ze reagéieren. D’Grënn dofir, datt Fraen d’Integratioun dacks méi schwéier fällt wéi Männer si vielfälteg. Hirer Recherche no besteet e Besoin no méi geschlechtergetrennte Foyeren, well eng Rei vu geflüchtete Fraen sech an dëse méi wuelfille géifen.
De Podcast abonnéieren: mat Android / per RSS.