All Woch bitt d’woxx Iech an hirem Podcast en Abléck an hir journalistesch Aarbecht a beliicht d’Hannergrënn vun engem Artikel.
Wann d‘OECD sech fir méi staatlech Interventiounen ausschwätzt, ass dovunner auszegoen, datt eppes gewalteg schif leeft. Beim Wunnengsmaart zu Lëtzebuerg ass dëst nämlech de Fall. De Fred Braun an de Richard Graf schwätzen dës Woch am Podcast vun der woxx doriwwer, wat d‘OECD fir Recommandatiounen mécht a wéi d‘Wunnengsbauministesch Sam Tanson dësen Argumentaire vis-à-vis vum Finanzminister ka benotzen, fir iwwert dëse Wee dofir ze suergen, datt op méi Terrainen tatsächlech och Wunnenge gebaut ginn. Eng aaner Fro ass déi vun der Gemengenautonomie, déi zu Lëtzebuerg am Fong sakrosankt ass, mä elo awer wéinst der Wunnengsnout néi diskutéiert muss ginn.
Eist zweet Thema am Podcast ass dee vun den Datebanken vu Police a Justiz, wou et dës Woch jo an der Chamber héich hir gaangen ass. De Luc Caregari an de Fred Braun analyséieren d‘Verhalen vun de Regierungsparteien an der Oppositioun a kucken sech un, wéi eng Ministeren sech wéi verhalen hunn.
De Podcast abonnéieren: mat Apple Podcasts (iTunes) / mat Android / per RSS.