FAMILY GUY: d’Simpsons Nr. 2

Fir all déi, déi d’Simpsons gären hunn, gëtt et eng Fortsetzung „digne de ce nom“. Di nächst Generatioun vun de Simpsons heescht Family Guy!

D’Rezept ass dat selwecht: de Peter Griffin, e fetten, domme Familljepapp, deen an enger Spillsaachefabrik schafft, seng Fra Lois née Pewterschmidt, den dräizéngjäregen Chris, deen en Talent entwéckelt fir d’Zeechnen, dat siechzéngjäregt Meg, wat éiweg zur cooler Clique wëll gehéieren, de Brian, de Familljemupp dee schwätze kann, an de klenge Stewie, deen als Puppelchen nëmmen dat eent wëllt: d’Welt beherrschen.

Am Vergläich zu de Simpsons ass den Humor méi entwéckelt: ‚t ginn amerikanesch Serie parodéiert an et gi masseg Referenzen par rapport zu Sex, Alkohol, oder Gewalt. Et kann ee keng Serie kucken ouni eng Kéier d’Aen an de Mond grouss opzerappen a sech futti ze laachen. E Muss a Genoss fir all Simpsons-Fan!

D’Family Guy Collection ass kierzlech op DVD erauskomm mat alle Serien (Season 1 – 3 + Extras, insgesamt 7 Discen).


Kriteschen an onofhängege Journalismus kascht Geld - och online. Ënnerstëtzt eis! Kritischer und unabhängiger Journalismus kostet Geld - auch online. Unterstützt uns! Le journalisme critique et indépendant coûte de l’argent - en ligne également. Soutenez-nous !
Tagged . Bookmark the permalink.

Comments are closed.