Et ass rem Zäit fir op de Canapé mat der woxx: Dëse Mount sinn d’Sandra Beck an d’Sissy Mondloch vum Danzkollektiv Lucoda op Besuch fir iwwert mental Gesondheet am Danz souwéi hire Projet „Ongoing“ ze schwätzen.
COPYRIGHT: WOXX/Isabel Spigarelli
En Danzprojet zu mentaler Gesondheet: eng Erausfuerderung oder eng Beräicherung? Fir d’Sandra Beck an d’Sissy Mondloch vum Danzkollektiv Lucoda ass et béides. Ënn 2021 huet d’Sandra Beck, Danzvermëttlerin an haaptberufflech Sozialaarbechterin, de Projet „Ongoing“ am Kader vun der Semaine de la santé mentale an d’Liewe geruff. D’Choreographin Sissy Mondloch huet dem Sandra seng Iddi, zesumme mat aneren Dänzer*innen, an e Spektakel ëmgesat. Zesummen hunn si doriwwer raus och Ronndëschgespréicher zum Thema mental Gesondheet organiséiert. Mä wat bedeit et, mental Gesondheet op d’Bün ze bréngen? Wat mécht et mat den Dänzer*innen a mam Publique? An wat fir e Stellewäert huet déi mental Gesondheet an der Kulturzeen, an der fräischaffend Kënschtler*innen oft prekär Liewensverhältnisser hunn? Lauschtert eran a gitt méi gewuer!
De Podcast abonnéieren: mat Apple Podcasts (iTunes) / op Spotify / mat Android.