Kulturpodcast: Um Canapé mat der woxx – #4 Mental Krankheeten

Maacht Iech et gemittlech, mir hunn eng nei Episode vum Kulturpodcast „Um Canapé mat der woxx“ fir Iech: DRachel vu LetzBeAware a de Patrick vu Pleasing diskutéiere mat der Journalistin Isabel Spigarelli iwwert d’ Duerstellunge vu mentale Krankheeten an der Kultur.

Copyright: Isabel Spigarelli/woxx

Et ass ëmmer nach en Tabu-Thema, an awer ginn et eng sëllege Filmer, Bicher, Musékstécker an aner Konschtwierker driwwer: mental Krankheeten. Mä wéi ginn déi do duergestallt? An der véierter Episode vum Kulturpodcast „Um Canapé mat der woxx“ treffen sech d’ Literaturstudentin Rachel – d’ Gesit hannert der Plattform LetzBeAware – a de Muséker Patrick. Si beschwätze wéi wäit mental Krankheeten entweder verharmloost oder awer verdäiwelt ginn a mat wat fir Virurteeler Betraffener konfrontéiert sinn. Dobäi spillt ënner anerem de Gender eng Roll. Souwuel d’ Rachel wéi och de Patrick schwätzen um Canapé oppen iwwert Diagnosen, Wënsch a Gejäiz op der Leinwand.

LetzBeAware ass eng Plattform op Instagram a Facebook, op der d’Rachel seit gutt engem Joer zu mentale Krankheete post. Mol mat Humor, mol mat Déift, ëmmer awer mat Respekt. An engem private Grupp kënnen sech zougeloosse Memberen ausserdeem ënnerteneen austauschen.

De Patrick war an der antëscht opgeléister Metal-Band Awakening the Seasons. Virun zwee Joer huet hien säi Solo-Projet Pleasing gestart a mëscht säitdeem Post- a Math-Rock. Säin nächsten Album In the mood for super dark times kënnt am Oktober eraus. En thematiséiert den Ëmgang mat mentale Krankheeten a der eegener Persoun.


Cet article vous a plu ?
Nous offrons gratuitement nos articles avec leur regard résolument écologique, féministe et progressiste sur le monde. Sans pub ni offre premium ou paywall. Nous avons en effet la conviction que l’accès à l’information doit rester libre. Afin de pouvoir garantir qu’à l’avenir nos articles seront accessibles à quiconque s’y intéresse, nous avons besoin de votre soutien – à travers un abonnement ou un don : woxx.lu/support.

Hat Ihnen dieser Artikel gefallen?
Wir stellen unsere Artikel mit unserem einzigartigen, ökologischen, feministischen, gesellschaftskritischen und linkem Blick auf die Welt allen kostenlos zur Verfügung – ohne Werbung, ohne „Plus“-, „Premium“-Angebot oder eine Paywall. Denn wir sind der Meinung, dass der Zugang zu Informationen frei sein sollte. Um das auch in Zukunft gewährleisten zu können, benötigen wir Ihre Unterstützung; mit einem Abonnement oder einer Spende: woxx.lu/support.
Tagged , , , , , .Speichere in deinen Favoriten diesen permalink.

Kommentare sind geschlossen.