All Woch bitt d’woxx Iech an hirem Podcast en Abléck an hir journalistesch Aarbecht a beliicht d’Hannergrënn vun engem Artikel.
Ee Sex-Video dréint Ronnen op social media, virun allem op instagram. An dat ouni d‘Awëllegung vun der jonker Fra, déi dorobber ze gesinn ass. Mat hir gëtt de Geck gemaach, et gi Memes erstallt – mä zum Gléck gëtt et och eng grouss Solidaritéitswell. De Joël Adami an d‘Tessie Jakobs schwätzen dës Woch net nëmmen iwwert de konkrete rezente Fall, mä och allgemeng iwwert sexualiséiert Gewalt géint Fraen am Internet.
Dofir diskutéieren d‘woxx-Journalist*innen och d‘Fro, wisou sou dacks dem Affer d‘Schold gi gëtt a wat fir rhetoresch Strategien dobäi zum Asaz kommen. Natierlech gi se och op d‘Solidaritéitscampagne an erklären, wisou dës sou wichteg ass. An well déi un eng Zeen aus der Netflix-Serie „Sex Education“ erënnert huet, froen si sech dann och nach, wat fir eng Roll popkulturell Phänomener hautdesdaags an der Opklärung iwwert Sexualitéit a Konsens spillen.
De Podcast abonnéieren: mat Apple Podcasts (iTunes) / mat Android / per RSS.