All Woch bitt d’woxx Iech an hirem Podcast en Abléck an hir journalistesch Aarbecht a beliicht d’Hannergrënn vun engem Artikel.

Trotz Summerlach präsentéiert d‘woxx Iech dës Woch direkt zwee Themen: Streetart a Leit, déi de Klimawandel leegnen. D’Isabel Spigarelli an de Joël Adami schwätzen iwwer Graffiti an aner Méiglechkeeten, den urbane Raum ze verschéineren – an doriwwer, wéi dës Konschtform zu Lëtzebuerg kommerzialiséiert an domestikéiert gëtt. Wann eng grouss Energiefirma hiren Traffo mat Graffiti bespraye léisst, ass dat dann nach Konscht oder just nach Reklamm? D’Journalist*innen diskutéieren och d‘Fro, ob Streetart-Zeen zu Lëtzebuerg dout ass a wéi et méiglech wier, se ze revitaliséieren.

Duerno kucken si sech zwee prominent Leegner vum Klimawandel un, déi allerlee abstrus Argumenter verbreeden. E puer vun deene ginn sech zur Broscht geholl, mä virun allem gëtt doriwwer geschwat, wéisou et sou ee staarken Drang gëtt, net un de mënschegemaachte Klimawandel ze gleewen an sech amplaz „alternativ Fakten“ ze sichen. An natierlech muss och iwwer d‘Fro diskutéiert ginn, ob Grönland-Wäin da net awer eng gutt Saach wier.

De Podcast abonnéieren: mat Apple Podcasts (iTunes) / op Spotify/ mat Android / per RSS.