Podcast: Am Bistro mat der woxx #039 – Féck mech, net de Klima

All Woch bitt d’woxx Iech an hirem Podcast en Abléck an hir journalistesch Aarbecht a beliicht d’Hannergrënn vun engem oder zwee Artikelen.

Dës Woch ass um Cover vun der woxx ee Schëld vun der grousser „Youth for Climate„-Demo vum 15. Mäerz ze gesinn. Dat awer net, well mir eis nach eng Kéier mam Engagement vu Jonke géint de Klimawandel beschäftegen, mä well et grouss Opreegung an Diskussioune ronderëm de Sproch gouf, deen op dem Schëld stoung: Fuck Me, Not the Climate. Déi Diskussiounen an de „public shaming“ goungen sou wäit, datt déi jonk Fra, déi dat Schëld gedroen huet, hire Facebook-Account desaktivéiert huet.

Tessie Jakobs, Isabel Spigarelli a Joël Adami schwätzen doriwwer, wéi si op déi Schëlter opmierksam gi sinn, wéisou hirer Meenung no dës Reaktioune komm sinn, wéisou se grad bei enger jonker Fra kommen a wéisou dee Sproch komplett falsch verstane ginn ass. Um Enn vun der Diskussioun beliichte mir och d’Fro, wéi ee konstruktiv mat esou Kritik kéint ëmgoen.

De Podcast abonnéieren: mat Android / per RSS.


Kriteschen an onofhängege Journalismus kascht Geld - och online. Ënnerstëtzt eis! Kritischer und unabhängiger Journalismus kostet Geld - auch online. Unterstützt uns! Le journalisme critique et indépendant coûte de l’argent - en ligne également. Soutenez-nous !
Tagged , , , , , , , . Bookmark the permalink.

Comments are closed.