Nom Wanterschlof geet et zréck op de Canapé: Am éischten Episod vum Kulturpodcast „Um Canapé mat der woxx“ schwätzen d’Sarah Bergdoll, Coordinatrice générale bei der Fondation EME, an de Senior Här Hansen mam Isabel Spigarelli ënner anerem iwwert d’Magie vu der Musek an d’Wichtegkeet vu Streaming fir eeler Mënschen.
Copyright: Isabel Spigarelli/woxx
Wéi zougänglech ass Konscht a Kultur fir Mënschen am Alter? Wéi verännert sech de kulturellen Honger mat de Joren a gëtt et sou eppes, wéi de Soundtrack vum eegene Liewen? D’Sarah Bergdoll organiséiert bei der Fondation EME ënner anerem musikalesch Veranstaltunge fir Senior*innen. Ee vu hinnen ass den Här Hansen, dee mat Mëtt achtzeg Kulturerliefnisser wéi déi vu der Fondation EME als Remède géint allerlee mental Problemer am Alter versteet souwéi als Stëtz fir Mënsche mat Demenz. Zesumme mam Isabel Spigarelli ginn d’Sarah Bergdoll an de Här Hansen op d’Sich no Ënnerscheeder a Gemeinsamkeeten tëscht de Generatiounen, schwätzen iwwert d’Greta Thunberg an diskutéieren doriwwer, wat déi wuel einfachst Alternativ zu Netflix, Spotify a Co ass.
De Podcast abonnéieren: mat Apple Podcasts (iTunes) / op Spotify / mat Android.
Das könnte Sie auch interessieren:
- Kulturpodcast: Um Canapé mat der woxx – #14 Gospel a Multiple Skleros
- Kulturpodcast: Um Canapé mat der woxx – #20 Männlechkeet(en)
- Kulturpodcast: Um Canapé mat der woxx – #18 Museksausbildung demokratiséieren
- Kulturpodcast: Um Canapé mat der woxx – #15 Méi wéi Melodien
- Kulturpodcast: Um Canapé mat der woxx – #8 Feminismus, Migratioun a Spaghetti
