Um Canapé mat der woxx gëtt d‘ Luxembourg Pride gefeiert, déi vum 1. bis de 10. Juli zu Lëtzebuerg stattfënnt : Den Andy Maar vu Rosa Lëtzebuerg an de Fotograf Pit Reding sinn dofir op Besuch. Si tauschen sech iwwert de neie Queer Arts Festival aus an diskutéiere iwwert Politik a Party.
Copyright: Isabel Spigarelli/woxx
Am Juni gëtt weltwäit un d‘ Stonewall Riots vu 1969 geduecht, bei deenen sech zu New York eng sëllege LGBTIQA+ Persoune géint Policegewalt a Stigmatiséierung gewiert hunn. Dorausser huet sech déi sougenannte Pride entwéckelt, déi och zu Lëtzebuerg säit iwwer 20 Joer hir Plaz huet. Mä wat huet Konscht do verluer? A wisou ass et wichteg, nieft enger politescher Agenda och duerch d‘ Strooss ze danzen? Den Andy Maar vu Rosa Lëtzebuerg, der Organisatioun déi d‘ Luxembourg Pride organiséiert, an de Pit Reding, Fotograf mat engem Fokus op queert Liewen, diskutéieren doriwwer. Den Andy Maar verréit, wisou dëst Joer fir d‘ éischt Kéier e Queer Arts Festival stattfënnt, wat d‘ Haaptgebai vu der Pride – de Bâtiment 4 zu Esch – mat Inclusioun ze dinn huet a wisou sech Party a Politik net ausschléissen. Dotëscht gëtt de Pit Reding Abblécker a seng Aarbecht an de Kontakt mat anere queere lëtzebuergesche Kënschtler*innen: Gëtt et sou eppes, wéi eng queer Konscht-Community? Wisou wier déi wichteg? Huelt Plaz um Canapé a lauschtert eran!
De Podcast abonnéieren: mat Apple Podcasts (iTunes) / op Spotify / mat Android.
Informatiounen zur Luxembourg Pride souwéi de ganze Programm fannt Dir op luxembourgpride.lu. Wann Dir um Pit Reding sengem Wierk interesséiert sidd, da kuckt Iech seng Website klickcreativestudio.com un.
Das könnte Sie auch interessieren:
- Kulturpodcast: Um Canapé mat der woxx – #36 Queer Filmgeschicht
- Kulturpodcast: Um Canapé mat der woxx – #29 Queer Literatur aus Lëtzebuerg
- Kulturpodcast – Um Canapé mat der woxx: #22 Queer Little Lies
- Kulturpodcast: Um Canapé mat der woxx – #20 Männlechkeet(en)
- Kulturpodcast: Um Canapé mat der woxx – #16 Sex um Canapé
