All Woch bitt d’woxx Iech an hirem Podcast en Abléck an hir journalistesch Aarbecht a beliicht d’Hannergrënn vun engem Artikel.
D‘Klimakris huet d‘woxx dës Woch wéinst zwee Theme beschäftegt: wéinst dem „World Climate Security Report“ a wéinst dem nationalen Energie- a Klimaplang. De Joël Adami an de Raymond Klein schwätzen iwwert dës zwee Rapporten. Wann Ex-Genereel virun der Klimakrise warnen, heescht dat, datt d‘Arméien elo gréng ginn oder ass dat just hir Aufgab, well sech eng ganz Rëtsch Sécherheetsfroe stellen? Wéi gesäit et mat der militärescher Selbstkritik aus, ëmmerhi verbrauchen Arméie jo och immens vill CO2? De Raymond Klein beäntwert déi Froen.
De Klimaplang huet de Joël Adami éischter enttäuscht. Dat net nëmmen, well d‘Finanzplaz Lëtzebuerg an deem Plang esou vill gelueft gëtt, mä och, well vill aner Themen ze kuerz kommen. Esou ass bei der Mobilitéit ëmmer nach eng Mobilitätswende ze erkennen an vill erneierbar Energieforme gi just en passant erwäänt, ouni datt een d‘Gefill hätt, et géif ee gudde Plang.
De Podcast abonnéieren: mat Apple Podcasts (iTunes) / op Spotify/ mat Android / per RSS.