Vum Proufsall op de Canapé: D’Isabelle Cames zielt am Kulturpodcast „Um Canapé mat der woxx“ iwwert hiert Liewe mat Multiple Skleros a wéi sech mat Gospel perséinlech souwéi gesellschaftlech Grenzen iwwerwanne loossen.
Copyright: Isabel Spigarelli/woxx
D’Isabelle Cames ass 2006 am Alter vu 46 Joer mat Multiple Sklerose diagnostizéiert ginn. Säit 2012 ass hatt bei der Organisatioun MS Lëtzebuerg als Sekretärin vum Kommiteee aktiv. Hatt ass Matbegrënnerin vum Projet „MS Grenzenlos miteinander Gospel singen“, dee vun der Fondation EME, der Deutschen Multiple Sklerose Gesellschaft Tréier a MS Lëtzebuerg geleet gëtt. Hei komme Mënschen aus Lëtzebuerg an Däitschland zesumme fir Gospel ze sangen. Net jiddereen am Grupp huet MS an och tëscht deenen, déi vun der Krankheet betraff si ginn et grouss Ënnerscheeder. Ënnerscheeder, déi d’Isabelle Cames siichtbar well maachen. Am Gespréich mam Isabel Spigarelli vun der woxx schwätzt d’Isabelle iwwert Gospel sangen als Ventil, d’Iwwerwanne vu Grenzen, mä och iwwert Diskriminéirungserfahrungen als Persoun, ouni siichtbar Symptomer.
De Podcast abonnéieren: mat Apple Podcasts (iTunes) / op Spotify / mat Android.