Neit Joer, nei Staffel: den éischten Episod vum Kulturpodcast „Um Canapé mat der woxx“ am Joer 2023 gëllt dem Thema Tabu. D’Larisa Faber, Schauspillerin a Regisseurin, deelt hir perséinlech Erfarungen zum Ëmgang mat kontrovers diskutéierten Themen an der lëtzebuergescher Kulturzeen.
Copyright: woxx/Isabel Spigarelli
Schwangerschaftsofbroch (e.a. Good Girls), Mëssbrauch an der Pflegeanstalt (Disko Dementia) – d‘Larisa Faber, Schauspillerin a Regisseurin vun ënner anerem engleschsproochegen Theaterstécker souwéi Kuerzfilmer oder Musical, schréckt an hire Produktiounen net virun Tabuthemen zréck. Wéi schwéier ass et dës Sujeten op d’Bün ze bréngen? Wéi reagéiert de Public op sinn? An wat huet dem Larisa Faber hir eege Familljegeschicht, déi enk mat der Nikolae Ceaușescu-Diktatur a Rumänien zesummenhänkt, fir en Afloss op hir Aarbechten? Wisou si sech net als Aktivistin well bezeechnen a woufir si Konscht mécht – dëst a méi diskutéiert si um Canapé mam Isabel Spigarelli vun der woxx.
De Podcast abonnéieren: mat Apple Podcasts (iTunes) / op Spotify / mat Android.
Umierkung zur Tounqualitéit: Duerch technesch Problemer variéiert d’Tounqualitéit am Laf vum Podcast – entschëllegt dës Ëmstänn. De nächsten Episod sollt besser ginn – et gëtt neien Tounequipment.