Dëse Mount gëtt et sexy um Canapé mat der woxx: Wéi gëtt Sex a bildender Konscht, Serien, Filmer a Literatur duergestallt? Wien dierf gewise ginn a wien just nokucken? A wat hunn Bettdecken domadder ze dinn? De Joël Adami sicht mam Isabel Spigarelli no Äntwerten.
COPYRIGHT: Isabel Spigarelli/woxx
„Sex sells“, heescht et. An der Konscht a Kultur ka Sex méi, wéi provozéieren: Et kann e Spigel, en Ausdrock vu Protest oder Ënnerdréckung sinn. De Joël Adami, Journalist bei der woxx an e vu de Moderator*innen vum Podcast Méi wéi Sex, geet dësen Duerstellunge mam Isabel Spigarelli vu der woxx no. Déi zwee leeën heibäi virun allem de Fokus op dës Froen: Wien huet a popkulturelle Produktioune Sex a wéi? Wisou ass et an der Réi Fraekierper ze erotiséieren, mä net e plakege Penis op enger Toile ze weisen? A wisou spille Gewalt, Angscht a Sex ënner anerem a Bicher vu queeren Autor*innen sou eng grouss Roll?
De Podcast abonnéieren: mat Apple Podcasts (iTunes) / op Spotify / mat Android.