All Woch bitt d’woxx Iech an hirem Podcast en Abléck an hir journalistesch Aarbecht a beliicht d’Hannergrënn vun engem Artikel.
Lëtzebuerg huet 2021 seng Klimaziler erreecht. Am Podcast diskutéiert de Joël Adami mam Isabel Spigarelli de Stand vun der Lëtzebuerger Klimapolitik, déi manner roseg ass, wéi et op den éischte Bléck ausgesäit. D’woxx-Journalist*inne kucken dofir an de Bericht vum Observatoire de la Politique Climatique, deen d’läscht Woch publizéiert gouf. Do wéisst sech, datt 2021 warscheinlech just eng Ausnam war. Ausserdeem hu mir eis gefrot, wat mat der Klima-Aktiounsplattform ass, déi sech zwar eng Kéier getraff huet, vun där awer nach keng Detailer un der Ëffentlechkeet waren.
Dat zweet Thema, iwwert dat mir dës Woch schwätzen, sinn d’Walen an Italien. D’Isabel Spigarelli huet sech gefrot, wéi d’Italiener*innen zu Lëtzebuerg op d’Resultater reagéiert hunn. Dobäi huet si méi entdeckt wéi just Pasta-Poustere …
Den Artikel iwwert d’Klimapolitik kënnt dir hei liesen, an den Artikel iwwert d’Reaktiounen zur Italien-Wal hei.
De Podcast abonnéieren: mat Apple Podcasts (iTunes) / op Spotify / mat Android / per RSS.