Lëtzebuerg feiert de „Pride“-Mount, mä tauche LGBTIQA+-Themen och an der nationaler Literatur op? Dëser Fro ginn d’Sandy Heep an de Cosimo Suglia vum Fanzine „Aner Welten“ dëse Mount „Um Canapé mat der woxx“ no.
Queer Literatur ass an de Bicherregaler a Butteker zu Lëtzebuerg ze fannen, awer dofir méi rar an der lëtzebuergescher Literaturzeen selwer. Zwar ginn et vereenzelt Autor*innen, déi LGBTIQA+-Figuren an hir Texter abannen, mä dës loossen sech un zwee Hänn ofzielen. Wisou ass dat sou an engem Land, an deem LGBTIQA+-Mënschen opmannst um Pabéier eng ganz Partie Rechter hunn, déi hinnen e gläichberechtegt Liewen erméiglechen sollen? Feelt et dofir un Interessi un der Thematik oder bedéit dëst, datt et trotzdem Tabu ass oppe Faarf zu Queerness ze bekennen? D’Germanistin Sandy Heep an de Literaturwëssenschaftler Cosimo Suglia – zesummen hunn si läscht Joer de Fanzine „Aner Welten“ zur Promotioun vu spekulativer Fiktioun zu Lëtzebuerg gegrënnt – diskutéiere mam Isabel Spigarelli vun der woxx doriwwer a froen sech, wéi wäit déi geziilt Fërderung vu Literatur vu marginaliséierte Schrëftsteller*innen zu Lëtzebuerg, respektiv d’Ënnerstëtzung vu Geschichten iwwert d’Liewensrealitéit vu queere Charakteren, sënnvoll wier. Lauschtert eran an diskutéiert mat!
De Podcast abonnéieren: mat Apple Podcasts (iTunes) / op Spotify / mat Android.