All Woch bitt d’woxx Iech an hirem Podcast en Abléck an hir journalistesch Aarbecht a beliicht d’Hannergrënn vun engem Artikel.
An der Woch no den Europawahlen analyséieren de Raymond Klein an de Luc Caregari d‘Resultater, an dat op europäeschem wéi op nationalem Plang. Den Dram vun enger progressiver Koalitioun am Europaparlament ass net erfëllt ginn, mä wat fir eng Koalitioune kënnen elo do entstoen? Eis Journaliste probéieren ze erklären, wisou verschidde Parteienfamillje méi schlecht ofgeschnidden hunn, wéi een sech dat erwaart hätt. Ausserdeem diskutéiere si iwwert d’Fro, wat fir „Top Jobs“ u wien kéinte goen.
Op nationalem Niveau ass dat gutt ofschneide vun der DP op den éischte Bléck vläicht eng Iwwerraschung. Eis Journalisten erklären awer, wisou dat net esou ontypesch fir de lëtzebuergesche Politikbetrieb ass. Sinn et tatsächlech d‘Käpp, déi nach ëmmer ganz héich an der Wielergonscht sinn? Soss gi si der Fro no, wisou Déi Lénk net konnte vum Ënnergang vun der Sozialdemokratie profitéieren.
De Podcast abonnéieren: mat Android / per RSS.
