All Freide stellt d’Wochenzeitung woxx an der Sendung Bistro vum Radio Ara hiert Thema vun der Woch vir a bitt ee Réckbléck op d’Aktualitéit vun deene leschte siwen Deeg.
Haut ginn de Richard Graf an de Luc Caregari een Abléck an d’woxx vun dëser Woch. Si schwätzen iwwert d’Print-Woxx, wou et ënnert anerem en Bilan iwwert d’LGBTIQA-Politik vun aktueller Koalitioun gezu gëtt an eng weider Table Ronde zum Mee 68, dës Kéier mat zwou Vertriederinnen aus der Fraebeweegung, dokumentéiert gëtt. D’woxx publizéiert och eng historesch Betruechtung vun den Evenementer 1968 zu Prag – ënnert dem Titel „E neie lénke Modell, eng Utopie?“, an eng detailléiert Analyse vun den Resultater vum europäesche EU-Rot d’lescht Woch zum Thema Migratioun. Och den Editorial vun der woxx beschäftegt sech ënnert dem Titel „Gipfel der Selbstzerstörung“ mat dësem Sommet.
D’Thema vun der Woch ass den Kulturentwécklungsplang, den de leschte Weekend op den „assises culturelles“ virgestallt an diskutéiert gouf. Mir kucken e bësschen an den „KEP“ eran an diskutéieren de Stellewäert vun e sou engem Dokument um Enn vun enger Koalitioun. Ass et en Dokument „vum Secteur fir de Secteur“, wéi versprach gouf, oder sinn net awer e puer U-Booter dra verstoppt den ausser der Politik eigentlech keen esou richteg well? Wéi waren d’Reaktiounen op de Plang a virun allem: Wat geschitt elo mam KEP wann bis Juli di Betraffen hir Kommentaren ofginn hunn?